نفسي اتفتحت على الجواز.. مي سليم تكشف حقيقة زواجها من أحمد الفيشاوي

كشفت الفنانة مي سليم، حقيقة زواجها من الفنان أحمد الفيشاوي، وذلك بعد انتشار صورة لهما وهما يتزوجان ويحضران زفافهما.

وقالت مي سليم، في تصريحات صحفية:  كل تلك الأقاويل حول ارتباطي أنا وأحمد الفيشاوي عار تمامًا عن الصحة، مشيرة إلى أن صور الزفاف كان مشهد ضمن تصوير فيلم يجمعنا سويا وهو بنقدر ظروفك، المقرر عرضه في السينمات قريبًا.

وتابعت: صور من الكواليس عادي، خلصت المشهد ونزلت الصور لقيت مصر كلها بتباركلي وبتقولي مبروك وفاكرين إني أنا وأحمد اتجوزنا، بس ده محصلش.

وأضافت: نفسي اتفتحت على الجواز بعد المباركات اللي جاتلي النهاردة وحمستني، لكن أكيد لما يكون فيه حاجة كده هعلن وهقول لكل الناس وأشاركهم معايا فرحتي.

وأكدت: دانا وميس أخواتي كلموني قالولي شكلكوا حلو، والفيلم شكله جميل أوي وعايزين نتفرج عليه ونازل أمتى.